Nuwe Hervorming Netwerk

In ooreenstemming met ons visie en missie, en gelei deur ons waardes, verenig die takke en lede van Die Netwerk om doelstellings soos die volgende na te streef: 

Oop Religieuse Gesprek

• om deur oop gesprek mense te ondersteun om vrede te hê met hulleself, akkommoderend met ander mense saam te leef, en verantwoordelik met hulle omgewing om te gaan;
• om begrip vir religieuse diversiteit te bevorder;
• om gesprek met verskillende wetenskaplike dissiplines en kunsuitinge te inisieer;
• om aansluiting te soek en te vind met organisasies wêreldwyd wat dieselfde of soortgelyke doelstellings as ons het;
• om begeleidende onderrigmateriaal vir kinders en volwassenes te ontwikkel, asook opleiding te verskaf;
• om 'n tydskrif en gereelde nuusbrief te publiseer;
• om 'n webwerf met 'n bulletinbord te bedryf;
• om 'n databasis van sprekers, publikasies, hulpbronne, programme van takke, en takinligting, in stand te hou en dit op die webwerf te publiseer.
• om saam te werk aan meer eietydse woorde, begrippe en metafore op die sfeer van spiritualiteit.

Sosiaal

• om mekaar te ondersteun in ons soeke na lewensin;
• om in mekaar se vreugde en leed te deel;
• om sosiale, politieke en ekonomiese geregtigheid te bevorder;
• om retreats/wegbreektye en werkswinkels te organiseer;
• om sosiale aktiwiteite te reël;
• om 'n konstruktiewe bydrae tot die opheffing van gemeenskappe te maak.

Begeleiding

• om dienste te verleen of te koördineer aan persone wat begeleiding benodig in belangrike lewensgebeurtenisse soos die geboorte van kinders, huwelike, begrafnisse en verassings.