Nuwe Hervorming Netwerk

Sakkie [pardon aan At se familie en sy vriende wat lief was vir hom] Indien jou teorie waterhou [alles eindig by die graf] dan maak jou stelling van "At verdien NIE hierdie soort preek nie" nie sin nie. Dan beteken dit mos nou dat wyle At in alle geval op hierdie stadium heeltemal "onbewus" is van ek en jy se gesprekke. Ons moet miskien in gedagte hou dat hierdie forum nie net deur ek en jy gelees word nie. Daar is baie meer "besoekers" op die forum as wat daar deelnemende skrywers is. He nou maar bietjie simpatie met mense wat nie jou sieninge deel nie man! Die feit dat ek en "Zantor" nie helemal oog om oog gesien het terwyl hy in die lewe hier duskant was nie beteken gladnie ek het hom afgeskryf nie. ---- Ek het heeltemal genoeg verstand om At en Zantor bymekaar uit te bring my vriend.----- Hou ook maar in gedagte dat indien my teorie [en nege en negentig van die wereld se populasie se teorie] reg is, dan verdien At beslis nie om nou TOTAAL afgeskryf te word nie. Net so min behoort sy eggenote en vriende werhou te word van die STERK moontlikheid van 'n weerontmoeting met hom in die hiernamaals. groete T

Sakkie Dankie dat jy laat weet het van At. Ek het hom uiteraard nie persoonlik geken nie maar sy familie het beslis my simpatie en medelye. Ek vertrou dat iemand van die NHN vertroosting gebring het by Naomie en die kinders. En dan aan al ons ander NHN vriende: Dit is met tye en tyding soos hierdie wat ek weer opnuut op aandag spring en besef hoe tenger die mens in werklikheid is. En dan is ek basies GEDWING om die volgende vraag [ook aan myself] te vra: Is dit regtig wys om te aanvaar dat At nou net in ons gedagtes voortbestaan? Vandag was dit At se beurt om "nuus" te wees hier op die forum.....more is dit dalk en en jy se beurt. Daar is vir ons nog tyd om te gaan stilsit en te besin oor wat ons regtig glo en verstaan en voorstaan. Miskien is dit nou [met At vars in ons geheue]die regte tyd. Die mens lewe nie vir ewig op die aarde nie. Miskien is Sakkie reg. Miskien stop alles by die graf. Miskien is ons maar net op aarde om elkeen na ons self om te sien en miskien is dit so dat die sterkste [en die slimste] oorleef. Miskien is die mens net 'n glorified dier en miskien leef mense wat in God en die hiernamaals glo in 'n gekke paradys. Maar, dit is soos met die evolusie teorie: ALLES is op "miskien" baseer. Godsdiens en die bestaan van God is ook op "miskien" baseer. Die ongelukkige feit van die saak is dat 'n mens 'n denkende brein het en dat die mens voortdurend BESLUITE moet neem. Ongelukkig het die mens 'n GEWETE en ongelukkig word die mens deur jou gewete herhinder dat die resultaat van jou besluite jou tot verantwoording roep. Die vraag is bloot: [feitelik] Wanneer dit by die BASIESE beginsels van Godsdiens versus evolusie kom, wat gaan EK besluit? Aanvaar ek die evolusie teorie: Alles het ontstaan by die oerknal en lewe het gaandeweg uit NIKS ontwikkel en evoleer tot uiteindelik 'n volmaakte mens: beteken dit ek ontken die Skepper-God idee en ook die teorie dat lewe aangaan na die graf. Die gevaar verbonde aan hierdie tipe aanvaarding is dat dit moontlik nie waar kan wees nie. Ek noem dit 'n gevaar want indien ek die dag heengaan en DAN besef dat die evolusie teorie VERKEERD was...... Ek is jammer dat ek At se doodstyding gebruik om my punt te maak maar ek voel dat At meer werd was as bloot "Koebaai ou At, jy gaan nou Uys Krige se 'ewige slaap' slaap". At se heengaan kan dien as oogoopmaker vir ons wat nog in die lewe is want ons het nog tyd om te DINK en te OORDINK groete Trix