Nuwe Hervorming Netwerk

Danie, Jy het nou die dag gewonder wat by UP aangaan. As jy die volgende webwerf besoek sal jy heelwat antwoorde kry bv Teologiese Opleiding 01 Wat verwag die fakulteit van die kerk Teologiese Opleiding 02 Kerklike behoeftes rondom teologieser opleiding Teologiese Opleiding 03 Profiel van 'n afgestudeerde predikant Teologiese Opleiding 04 Notas vir die gesprek oor kurrikulering en heelwat meer "www.teo.co.za" Lekker lees Joubert

Hallo Sakkie, Baie dankie vir die verwysing. Sal dit lees. Klink na idees wat ook in Deepak Chopra se boek "How to know God" voorkom. Intelligensie, intellektuele eerlikheid en logiese denke is tog bedmaats! Dis wat ek nie verstaan wanneer dit by teologiese dosente kom nie. Is daar iemand wat al in ‘n navorsingstuk bv 'n vraelys met 'n klompie indringende vrae aan bv finalejaar kweekskoolstudente gegee het? Eenvoudige, maar uiters belangrike vrae soos: "Glo jy regtig dat Adam en Eva geleef het en sal jy die verhaal met oortuiging aanbied in jou prediking?" "Hoe verstaan jy die verskillende skeppingsverhale en vloedverhale wat voorkom in tekste van ander godsdienstige tradisies ensomeer ensovoorts?". Sal baie insiggewend wees. Na my mening is dit maklik om in die geheel jou geloof in die Bybel as letterlike woord van God te verklaar, maar dis baie meer ongemaklik om dan na spesifieke besonderhede te gaan en stellings daaroor te maak. As ek as gewone mens wat nie daagliks in my beroep met wetenskap gekonfronteer word nie, met relatief min inspanning tot bepaalde insigte kan kom, hoeveel te meer moet dit nie waar wees van dosente nie? Die Nama’s hier by my op die plaas glo in een of ander super haas ("Amanhaas", natuurlik met die nodige tongklap uitgespreek)en is ernstig daaroor. Hulle glo dat hierdie haas so sterk is dat hy sommer jou kar kan omgooi as hy wil, maar ook dat die haas jou teen diere soos luiperds sal beskerm! Hulle vertel my dat die meeste Nama’s wat hulle ken so glo, en hierdie haas het hulle nog nie gesien nie, slegs van gehoor van die oumense af!! Ek het al moed opgegee om hulle te oortuig daar bestaan nie so ‘n haas, of enige wese wat ons teen luiperds sal beskerm of ons karre sal omgooi nie nie. Die oues en die jonges op die plaas glo dit. Herken iemand iets??? Miskien is Fowler reg, maar wat van gesonde verstand?? Groete Danie

Danie, Ek het geen kennis oor die vrae wat jy vra nie, maar sou graag verstaan in watter opsig die brs Dr Pretorius van mekaar verskil ? Volgens jou skrywe lyk dit nie of dit op godsdienste vlak is nie, want albei beskou God as hoogste gesag. Die een wil 'n Orania stig waar God regeer, en die ander het 'n "hot-line". Daar blyk wel 'n verskil in die manier wat hulle hul Godsdiens wil uitleef, maar nie in beginsel nie? Dalk die politiek? (Het ek nou afgedwaal van die "ketterse" onderwerp.?) Groete Ernst Groete Ernst

Hi, Of ek nou by die regte plek is en die regte skakels druk weet ek nie. Indien nie, verskoon maar, ek is nuut, het so pas aangesluit en weet nog nie presies hoe al die goeters, om Bennie Mostert se woorde te gebruik, werk nie! Maar kuier darem al baie lank op hierdie webwerf. Daar is minstens 'n miljoen dinge wat ek wil weet. Maar die eerste is, wat is die situasie by die kweekskole mbt die kennisontploffing. Ek het in '76 by UP begin studeer, BA Admissie. Grieks het Grieks gebly maar Arabies en Hebreeus wat my hoofvakke was fassineer my tot vandag toe. Jammer om te moet bieg dat ek 'n klaaglike mislukking van my studies gemaak het, maar hoe kan ek ooit Prof Jimmy Loader vergeet? Hier op die plaas in die Namib waar ek met wild boer en in byna totale afsondering leef, is ek byna elke aand op die internet via 'n satteliet verbinding, en krul my tone van lekkerkry oor alles wat ek raakloop, Semities gesproke, Sakkie gesproke ens ens. 'n Miljoen dinge. Maar wat gaan aan by UP en ander fakulteite? Kan iemand my vertel asb? Is die lektore te bang om uit te kom, uit die kas te klim? Binne my direk aangetroude familie is 2 predikant swaers wat by UP gegradueer het. Ek het daar studeer. Ek ken nog 'n hele klompie predikante komende daarvandaan af. Ek onthou nog my dosente en kan verskeie staaltjies oor hulle vertel. Wat gaan aan? Of maak hulle soos die volstruise hier by my? Julle mag hierdie ene interessant vind, en miskien is die antwoord wat ek soek hierin te vinde. Dr Lets Pretorius, mediese dokter maar ook aangeklaagde in die Boere Hoogverraad saak, kyk my eendag in die oog in sy spreekkamer in die ou Potties. My Pa is op sy sterfbed, en Lets roep my na sy spreekkamer. Hy vertel my dat ek 'n duman is en nie 'n human nie(!!!), hy kan dit in my oog sien, en ek is uitverkore om saam met 'n klomp ander 'n volkstaat in SA te begin waar God sal regeer. Iets soos Boere Volkstaat. Onnodig om die gesprek tussen my en hom verder hier te bespreek. Sy broer, Pieter, is ook 'n mediese dokter. Ons ken mekaar goed en hy is ook hoogs intelligent en bedryf 'n praktyk hier te lande. Hy is ook 'n oortuigde gelowige wat op 'n stadium aangebied het om ernstig vir my in te tree(??!!) by God(?) toe ek taamlik moerig oor sekere sake was. Ek het sy aanbod van die hand gewys, maar dis nie ter sake nie. Pieter is nie by Lets se goeters(Bennie!!!!) betrokke nie, nie na my kennis nie. Hy kan beswaarlik, want in Namibie sal hy nie ver kom nie. Twee mediese dokters, albei hoogs intelligent, twee standpunte, reglynig teenoor mekaar. Of is die een te bang om uit die "kas" te klim? en deel hy sy broer se standpunte? Is dit dalk 'n soort van situasie-etiek? Ek sal graag wil hoor van diegene wat eerstehandse kennis het. Danie

Hallo Koos Die pasafgelope algemene sinode NG Kerk laat 'n mens eintlik wonder oor die kwaliteit van teologiese opleiding in die RSA. Dit wil voorkom asof die dosente geen historiese bewussyn by hulle studente aanwakker nie. Die Bybel word van voor tot agter gelees asof dit gister vir Westerlinge geskryf is. Die feit dat daar 'n verslag oor die duiwel gedien het en dat die predikante gehuiwer het om daaroor standpunt in te neem en om onomwonde te se: "Na die maan met ou Niek!" vertel 'n skrikwekkende verhaal. Ons is terug in die Middeleeue toe die geloof in die duiwe en sy trawante hoogty gevier het! Groetnis Sakkie

Dagse Chris Dankie vir die woorde van bemoediging. Die mense wat egter nou in die spervuur staan, is Jurie le Roux, Julian Muller en Dirk Human. Almal verbonde aan die teologiese fakulteit aan UP. Uit die DVD is dit duidelik dat die persoon wat dit vervaardig het, daarop uit is om hulle verdag te maak by die NG Kerk lidmate. Wat die persoon nie in ag neem nie, is dat teologie nie sonder kritiese gesprek kan vorder nie. Alle wetenskap vorder net as daar gesonde kritiese gesprek gevoer word. Wetenskaplikes kom met nuwe bewyse navore en stel nuwe teoriee op. Dan vind daar 'n lewendige debat plaas voordat die nuwe toeriee aanvaar word. Groete Sakkie