Nuwe Hervorming Netwerk

kinders van hulle tyd gewees. 
Danksy die kennis van die moderne wetenskap het NHNners afskeid geneem van die antieke drie-verdieping idee van die heelal. Dit beteken nie dat hulle die rug gedraai het op God of Jesus nie. Trouens, in die een en twintigste eeu in 'n moderne wêreld leef en oriënteer ons onself met 'n integrale God, wêreld en lewensbeskouing. Alles word integraal beleef of ervaar. Uitdrukkings soos "my huwelik is hel" of "my naweek in die bosveld was hemels" is alledaags.
Wat Jesus betref, gaan dit vir my nie oor die menswording van God nie, eerder oor die goddelike inwoning in Jesus. Netsoos Jesus, het elkeen van ons die goddelike in ons. Elkeen van ons het bron van kennis, waarheid en wysheid in ons. Sommige soek daarna, ander ignoreer dit, maar elkeen van ons het dit. Hierdie bron wat binne elkeen van ons is bevat die kennis, waarheid en wysheid vir jou eie lewe sowel as die lewe daarbuite. Leef en laat leef! Deur liefde, sorg en omgee ervaar andere iets van God/goddelike in ons, netsoos wat mense in die eerste eeu dit in Jesus van Nasaret se doen en late ervaar het.

Vriendelike groete
Peet

Jacco,

Lees daardie stuk weer, hy praat baie duidelik van God (a potent and purposeful conciousness which deals individually and directly...).

Dis onmoontlik om godsdiens te skei van God.  Hoe doen mens dit?  Godsdiens = gods-diens = diens aan God.  Spiritualiteit - wat is dit?  Spirit = gees.  Die gees van 'n mens is die deel waar intimiteit en kommunikasie met God plaasvind (ware "spiritualiteit").  Enigiets anders, naamlik emosie, denke ens. vind in die siel plaas (hoewel, in die geval van 'n gelowige, werk die siel saam met die gees in die intimiteit en kommunikasie met God).  Die gees van iemand wat nie deur Christus met God versoen is nie is dormant en daar gebeur niks.

Ek het 'n vriend wat ek al jare ken - 'n man wat goed sorg vir sy vrou, goed doen aan ander, sy motors en ander goed baie mooi oppas, nie te veel drink nie, hard werk ens.  En hy het 'n baie gesonde selfbeeld.  Hy verwerp egter op hierdie stadium nog vir Jesus, en daarom is hy nog nie met God versoen nie.  Hy is verlore, al die goeie ten spyt.  Hy ken die waarheid (ek het dit al baie met hom gedeel), en ek bid vir hom.

Dit maak nie saak hoe goed 'n mens is nie, Jacco - dit kan nie jou saak met God regmaak nie.  Jesus het Sy bloed gestort en die finale sonde-offer geword, en slegs in Hom is daar versoening met God en redding.

Ek het nou vir julle die boodskap gebring, en julle kan daarmee maak wat julle wil.  Ek sal julle nie meer vermoei deur hier te skryf nie.  Laat hy wat ore het hoor wat die Gees se.  Jou ewigheid is op die spel.

Liefde en vrede,
Philip

Joubert,

Die arme man klink maar regtig soos hy dit self gestel het - "miserable."  ek wonder of hy na die dood ook "bah" gese het - of dalk "BAAAAAA - WHAT'S GOING ON??"

Wat my stelling betref: Ek weet ek kom bietjie sterk oor, maar ek is baie passievol oor die onderwerp.  Ek wil graag byvoeg dat God nie nodig het om by ons moderne lewe aan te pas nie - Hy's ons ver vooruit wat die wetenskap en kennis betref.

Seen vir jou,
Philip

Beste Koos,

Natuurlik is die Bybel nie 'n wetenskaplike handboek nie!  En ja, ek weet dat die Bybelskrywers nie die wetenskaplike kennis van die heelal gehad het wat ons vandag tot ons beskikking het nie.  Maar wat maak dit saak?  Daardie ouens het iets baie meer waardevols gehad as wetenskaplike kennis... 'n Lewende verhouding met die lewende God, die een wat die heelal daargestel het; die een wat dinge weet wat ons wetenskap nog nooit uitgevind het nie (en waarskynlik nooit sal uitvind nie); die een wat tegelyketyd die begin en die einde van geskiedenis sien en die heelal meet met die palm van Sy hand.

Maak geen fout nie, Koos - ek is baie lief vir die wetenskap, en veral sterrekunde.  Elke nuwe ontdekking, elke verstommende feit laat my net weereens in vervoering oor die wonder en grootsheid van God se skepping.  Sy glorie en vingerafdrukke is sigbaar in alles om ons, van die kleinste tot die grootste.  En Hy's intiem en nou betrokke by ons lewens, al lyk dit vir die ongelowige nie altyd so nie.  Ek kan jou dinge vertel uit persoonlike ervaring en getuienis wat of jou oe sal laat rek, of jou dadelik sal laat uitroep "twak!"  Hoe dit ookal sy, ek het 'n lewende verhouding met die Skepper van alle dinge, sigbaar en onsigbaar - en die ongelooflike is dat Hy met my 'n Vader/seun, Broer/broer en Vriend/vriend verhouding het.  En NIEMAND kan dit wegneem of wegverklaar nie.

Natuurlik weet ek waaroor die NHN gaan, Koos.  Dis waarom ek met trane vir julle elkeen bid.

Seen,
Philip

Koos,

Soos ek in 'n ander kommentaar op die webblad geskryf het, dink ek dis baie vermetel van ons om te verwag dat die Outeur van die heelal by ons moderne "denkende" leefstyl moet aanpas - net omdat ons nie hou van Sy voorwaardes en raamwerk vir ons lewe nie.  Hy's die Skepper van die hemel en aarde - wie dink ons is ons?  Hy's verhewe bo alle dinge; as Hy 'n mens was sou ons nie eens amoeba gewees het in vergelyking nie.  Tog het Hy een van ons geword om soos 'n misdadiger te boet vir ONS sondes... net om ons weer met Homself te kon versoen (die wat dit wil aanvaar).

En dan dink ons dat ons nou te slim geword het vir Hom...

Philip

Beste Peet,

Baie dankie, ek het dit gekry. Kon nie nou dadelik deurlees nie, maar sal binnekort.

Groete,
Philip

Hi Julle, sjoe ek weet nie wat daar gebeur het nie.  Verskoon asseblief.

Hallo Sakkie, Chris,

Ek wil maar net graag by Philip aansluit. Jesus is God.

Wat die boeke in die Nuwe Testament betref was daar vier kriteria wat die finale besluit beslis het om die boeke in die Nuwe Testament te plaas.

1. Was die boek geskryf deur 'n apostel of deur 'n dissipel van Christus?
2. Was die inhoud van die boek ongetwyfeld van 'n hoë geestelike karakter?
3. Was die boek algemeen herken deur die kerk (van daardie tyd)?
4. Die enigste boeke wat aanvaar was, was die wat genoegsame bewys gegee het dat dit Goddelik geinspireer was. (2Tim 3:16)

Die vroeë kerk leiers wat geleef het na die apostels, kon slegs dit gebruik wat die apostels reeds (ge-authorize) of gewaarmerk het, om dit so te stel. Dus is die gesag van die Bybel: (Die Evangelie van Johannes inkluis)
1. Deur die Heilige Gees.
2. Dit is saamgestel in eenheid en met streng onderskeiding van die gelowiges
3. Daar is kruisverwysings na ander gedeeltes in die skrif bv. 2 Pet 3:15-16 verwys na Paulus se leringe.

Ek wil weereens sê Jesus is God. Die Ou Testament bevestig dit. (Jesaja 9:6)

As mens die twee hoofsrominge van die oorspronklike teks gaan bestudeer in detail, nl. die Aleksandriese Manuskripte (meeste bybel vertalings vangag bebruik die Aleksandriese manuskripte) teenoor die Texus Receptus (King James en 1933/1953 Afrikaanse vertaling), kan mens duidelik aflei dat die Aleksandriese Manuskripte daarop uit is om Jesus te ontroon.

Daar is heelwat skrif verwysings wat hierdie feit baie duidelik staaf.

Vriendelike groete

boodskapper

Beste Chris, Sakkie -

Dit word geloof genoem - nie feëverhaaltjies en watookal anders jy dit wil noem nie Chris.

Kom ek raai - meeste van julle ouens kom uit 'n gereformeerde agtergrond, reg? Nouja, dan's ek ook nie meer verbaas oor julle standpunte en afdwaling nie. Julle het nog nooit gesonde kos gekry nie, is nog nooit gedoop nie (wel bietjie natgemaak op die voorkop as babatjies), en het nooit die Heilige Gees ontvang nie. So die saad van die Woord het by julle langs die pad, op rotsagtige plekke en in die dorings geval, en tot niet gegaan (Mat. 13:4-7). Julle het ook nog nooit Sy stem gehoor nie. Is ek warm?

Chris, die Jesus wat jy verwerp is die een wat die goed geskep het wat deur jou wetenskap waargeneem word - en ook die een wat die wetenskap geskep het waarop jy so roem, asook aan jou die grysstof tussen jou ore gegee het om die wetenskap te kan verstaan. Die wetenskap staan nie apart van Jesus nie, dit verheerlik Hom juis! Julle kan se wat julle wil, die historiese Jesus is die God van die heelal wat ons geskiedenis binnegetree het, Homself verneder het deur een van ons te word sodat Hy ons (die wat in hom glo en sy geskenk van lewe aanvaar) met Homself kon versoen.

1 Kor. 1:18-24:  "Want die woord van die kruis is wel dwaasheid vir die wat verlore gaan, maar vir ons wat gered word, is dit die krag van God; want daar is geskrywe: Ek sal die wysheid van die wyse mense vernietig en die verstand van die verstandige mense tot niet maak. Waar bly die wyse? Waar bly die skrifgeleerde? Waar die redetwister van hierdie eeu? Het God nie die wysheid van hierdie wêreld dwaas gemaak nie? Want aangesien in die wysheid van God die wêreld deur die wysheid God nie geken het nie, het dit God behaag om deur die dwaasheid van die prediking die wat glo, te red; want die Jode vra ‘n teken en die Grieke [die slim ouens en wetenskaplikes van die tyd] soek wysheid, maar ons verkondig Christus wat gekruisig is, ‘n struikelblok vir die Jode en dwaasheid vir die Grieke; maar vir die wat geroep is, Jode sowel as Grieke: Christus, die krag van God en die wysheid van God."

Sakkie, ek weet baie goed wanneer die Johannes-evangelie geskryf is. Wat maak dit saak? Selfs al het wie ookal hoe ookal gemanipuleer en gekonkel by die samestelling van die Nuwe Testament, glo ons dat die eindproduk van God af is. Dit wat ingesluit is moes ingesluit wees en andersom. Daarom kan ek met die grootste vrymoedigheid uit Johannes (die dissipel wat die naaste aan Jesus was) se evangelie, of uit enige ander boek van die NT kwoteer.

En nou weet ek ek word outomaties as 'n "fundamentalis" (is dit ooit 'n woord?) gebrandmerk, en ek gee nie om wat julle my noem nie - ek weet wat God van my dink en dis vir my genoeg. Mag Hy julle genadig wees en mag julle oë oopgaan.

Groete,
Philip

Beste Philip

Interessant dat jy nie 'n teks uit die eerste drie evangelies kan aanhaal om Jesus se sogenaamde goddelikheid te "bewys" nie. Waarom haal jy net uit Johannes aan? Waarskynlik weet jy nie dat die Johannes-evangelie teen die einde van die eerste eeu nC geskryf is nie. Dit toon duidelik dat daar 'n breuk tussen die Jode en sommige vroee Christene ingetree het. Die Christene word nie meer as deel van Judaisme gereken nie en word nou die sinagoges verbied - vergelyk Johannes 9. Dit is 'n verhaal wat net in Johannes voorkom! Daardie woorde wat jy aanhaal as woorde wat Jesus sou gespreek het, is histories nooit deur hom uitgespreek nie. Dis in Jesus se mond gele. Nie een van die ander drie evangelies ken daardie woorde nie!
 
Groetnis
Sakkie